Сайттан издөө
Сайттан издөө
Кыргыз Республикасынын Президенти

Президент Сооронбай Жээнбеков: Мамлекеттик кызматты электрондук форматка өткөрүү боюнча жергиликтүү бийликтин активдүүлүгү талап кылынат

«Мамлекеттик кызматты электрондук форматка өткөрүү боюнча жергиликтүү бийликтин активдүүлүгү талап кылынат», — деп билдирди Кыргыз Республикасынын Президенти Сооронбай Жээнбеков  16-майда Ысык-Көл областынын Түп районунун жашоочулары менен болгон жолугушуусунда.

«Электрондук система мамлекеттик бийликке кадыр-барк алып келет. Ооруканада, мектепте, мекемеде, пенсияны берүүгө чейин автоматташтырылат. Ал үчүн жергиликтүү бийлик даяр болгула. Мурункудай бир справка алыш үчүн кезекке туруп, эшик каккылаган токтойт. „Санарип аймак“  платформасын дагы ишке киргизебиз. Мамлекеттик органдар „барам, жасайм“ деп коесуңар, бир айга чейин жүрө бересиңер, силерден уруксат алыш кыйын. Ишкана курам дегендерге жардам бергендин ордуна бюрократия кылып, тоскоолдук жаратасыңар. Ушунун баарын токтоткула», — деп  Президент Сооронбай Жээнбеков тийиштүү мамлекеттик органдарга кайрылды.

 

2019-жыл 17-май