Сайттан издөө
Сайттан издөө
Кыргыз Республикасынын Президенти

Сауд өнүктүрүү фонду менен Түндүк –Түштүк автомобиль жолун (Балыкчы – Жалал-Абад альтернативдүү автожолун) реконструкциялоо долбоору боюнча кредиттик макулдашууну ратификациялоо жөнүндө мыйзамга кол коюлду

Кыргыз Республикасынын Президенти Алмазбек Атамбаев “2017-жылдын 17-майында Сауд Аравия Королдугунун Джидда шаарында кол коюлган Кыргыз Республикасы менен Сауд өнүктүрүү фондунун ортосундагы Түндүк –Түштүк автомобиль жолун (Балыкчы – Жалал-Абад альтернативдүү автожолун) реконструкциялоо долбоору боюнча кредиттик макулдашууну ратификациялоо жөнүндө” Кыргыз Республикасынын мыйзамына кол койду.

Мыйзам Жогорку Кеңеш тарабынан 2017-жылдын 22-июнунда кабыл алынган.
Макулдашууда Түндүк-Түштүк альтернативдик автомобиль жолун 159-чакырымынан 183 чакырымына чейинки участогун (Дыйкан айылы – Кызыл-Жылдыз айылы) реконструкциялоо каралган.

Бул каражаттар Түндүк-Түштүк альтернативдүү автожолунун участогунун абалын жакшыртууга, жер жана дренаждык иштерге, асфальттоо жана көпүрөлөрдү калыбына келтирүү иштерине жумшалат.
Мыйзам расмий жарыяланган күндөн тартып он күн өткөндөн кийин күчүнө кирет.

2017-жыл 26-июль