Сайттан издөө
Сайттан издөө
Кыргыз Республикасынын Президенти

“Билим берүүнү өнүктүрүүгө көмөк көрсөтүүнүн россиялык программасынын” READ долбоорунун экинчи фазасын каржылоо боюнча Макулдашуу-каты ратификацияланды

Кыргыз Республикасынын Президенти Алмазбек Атамбаев “Бишкек шаарында 2013-жылдын 6-мартында кол коюлган Кыргыз  Республикасы менен Эл аралык өнүктүрүү ассоциациясынын (Дүйнөлүк банк) ортосундагы “Билим берүүнү  өнүктүрүүгө көмөк көрсөтүүнүн россиялык программасынын” READ) долбоорунун экинчи фазасын каржылоо боюнча Макулдашуу-каты ратификациялоо жөнүндө” Кыргыз Республикасынын Мыйзамына кол койду.

Мыйзам Кыргыз Республикасынын Жогорку Кеңеши тарабынан 2013-жылдын 13-июнунда  кабыл алынган.

Мыйзамга ылайык, Кыргыз Республикасынын Финансы министрлиги жогоруда көрсөтүлгөн Макулдашуу-каттын күчүнө кириши үчүн зарыл болгон ички мамлекеттик жол-жоболорду кыргыз тарап аткаргандыгы жөнүндө Эл аралык өнүктүрүү ассоциациясына (Дүйнөлүк банк) белгиленген тартипте маалымдоого милдеттендирилди.

Мыйзам расмий жарыяланган күндөн тартып күчүнө кирет.

Мыйзамдын тексти >>>.

2013-жыл 28-июнь