Кыргыз Республикасынын Президенти Алмазбек Атамбаев «Имараттардын энергетикалык натыйжалуулугу жөнүндө» Кыргыз Республикасынын Мыйзамына өзгөртүүлөрдү жана толуктоо киргизүү тууралуу» Кыргыз Республикасынын Мыйзамына кол койду.

Мыйзам Кыргыз Республикасынын Жогорку Кеңеши тарабынан 2013-жылдын 12-сентябрында кабыл алынган.

Кабыл алынган мыйзам менен төмөнкү өзгөртүүлөр жана толуктоо киргизилди:

- имараттардын энергетикалык сертификаттарын тандоо жолу менен экспертизадан өткөргөн жана (же) буу казандарынын, жылытуу жана ысык суу менен жабдуу системаларынын энергетикалык натыйжалуулугун мезгил-мезгили менен контролдоо тууралуу отчетторду экспертизадан өткөргөн адистерди сертификациялоодо коррупциялык факторлорду жокко чыгаруу боюнча;

- имараттардын энергетикалык натыйжалуулугу жаатында аткарылган иштердин сапатына мониторинг жүргүзүү тартибин регламенттеген;

- имараттарды энергетикалык сертификациялоо мониторинги жана (же) буу казандарынын, жылытуу жана ысык суу менен жабдуу системаларынын энергетикалык натыйжалуулугун мезгил-мезгили менен контролдоо боюнча аткарылган иштердин сапаты төмөн болгондо сертификацияланган адисти мамлекеттик квалификациялык сертификатынан  ажыратуу тартиби тууралуу;

- аталган мыйзамдын 12-беренесинин 3-бөлүгүн Кыргыз Республикасынын Конституциясынын 6-беренесине шайкеш келтирүү.

Мыйзам расмий жарыяланган күндөн тартып күчүнө кирет.