Сайттан издөө
Сайттан издөө
Кыргыз Республикасынын Президенти

Президент Алмазбек Атамбаев белгилүү киноактер Стивен Сигал менен жолукту

Кыргыз Республикасынын Президенти Алмазбек Атамбаев бүгүн, 3-сентябрда Чолпон-Ата шаарындагы мамлекеттик резиденцияда белгилүү киноактер Стивен  Сигал менен жолукту.

Жолугушууда Мамлекет башчысы  Кыргызстанга келгендиги жана II Дүйнөлүк көчмөндөр оюндарынын ачылыш аземине катышып жатканы үчүн кино жылдызына ыраазычылык билдирди.

Өз кезегинде Стивен Сигал жылуу кабыл алгандыгы үчүн Президентке ыраазычылык билдирип, “бир тууган-көчмөндөрдө” өтүп жаткан Дүйнөлүк көчмөндөр оюндарына келбей койо алмак эместигин белгиледи.

Андан тышкары, Стивен Сигал Президентке Дүйнөлүк көчмөндөр оюндарынын ыктыярдуу Элчиси болуп берүүгө даяр экендигин билдирди.

2016-жыл 3-сентябрь