Сайттан издөө
Сайттан издөө
Кыргыз Республикасынын Президенти

“Кен казуу тармактарынын ачыктыгы демилгеси – жолдоочу статусун алгандан кийин фаза II” долбоорун ишке ашыруу максатында грант берүү жөнүндө Гранттык макулдашууну ратификациялоо тууралу Мыйзамга кол коюлду

Кыргыз Республикасынын Президенти Алмазбек Атамбаев 2015-жылдын 6-июлунда Бишкек шаарында кол коюлган Кыргыз Республикасы менен Эл аралык өнүктүрүү ассоциациясынын (Дүйнөлүк банк) ортосундагы “Кен казуу тармактарынын ачыктыгы демилгеси – жолдоочу статусун алгандан кийин  фаза II” долбоорун ишке ашыруу максатында № TF017411 грантын берүү жөнүндө Гранттык макулдашууну ратификациялоо тууралу Мыйзамга кол койду.

Мыйзам Кыргыз Республикасынын Жогорку Кеӊеши тарабынан 2016-жылдын 3-мартында кабыл алынган.

Ратификацияланган Гранттык макулдашуунун максаты  Кен казуу тармактарынын ачыктыгы демилгесин(мындан ары КТАД) ишке ашыруу боюнча Кыргызстанда ар кандай иш чараларды төмөнкү жолдор менен жүргүзүү болуп саналат:

 - кен казуучу компаниялар жана мамлекеттик органдар үчүн КТАД боюнча окутуу жана отчетторду даярдоо сапатын арттыруу;

- көз карандысыз аудитор тарабынан КТАД боюнча маалыматтарды тактоону жүргүзүү, КТАД боюнча отчетторду чыгарып жарыялоо;

- КТАДды институтташтырууну колдоо жана кен казуучу компаниялардын ишмердигинен алынган кирешелер боюнча маалыматтарды ачып берүү.

Мыйзам расмий жарыялангандан 10 күн өткөндөн кийин күчүнө кирет.

2016-жыл 11-апрель