Өзбекстан Республикасынын Өкмөтү менен Ош шаарында жалпы билим берүү мектебин куруу жөнүндөгү макулдашууну ратификациялоо тууралуу мыйзамга кол коюлду

Кыргыз Республикасынын Президенти Сооронбай Жээнбеков “2017-жылдын 28-июлунда Бишкек шаарында кол коюлган Кыргыз Республикасынын  Өкмөтү  менен Өзбекстан Республикасынын Өкмөтүнүн ортосундагы Ош шаарында жалпы билим берүү мектебин куруу жөнүндөгү макулдашууну ратификациялоо тууралуу” Кыргыз Республикасынын  Мыйзамына кол койду.

Мыйзам Кыргыз Республикасынын  Жогорку Кеңеши тарабынан 2017-жылдын 7-декабрында  кабыл алынган.

Макулдашууда  өзбек тараптын каражатына  Ош шаарында 630 орундуу жалпы билим берүү мектебин куруу жана обьектти кыргыз тарапка менчикке акысыз өткөрүп берүү каралган.

Мыйзам расмий жарыяланган күндөн тартып он күн өткөндөн кийин  күчүнө кирет.

13-декабрь, 2017-жыл
Басып чыгаруу