Сайттан издөө
Сайттан издөө
Кыргыз Республикасынын Президенти

Алмазбек Атамбаев: “Шайлоолор эркин жана атаандаштыкта өттү, бирок, тилекке каршы, шайлоо алдындагы атаандашууда ыплас ыкмалар дагы деле пайдаланылып жаткандыгын көрсөттү”

Таза жана демократиялуу шайлоо өткөрүү Кыргыз Республикасынын Президенти Алмазбек Атамбаев жүргүзүп жаткан  мамлекеттик саясаттын артыкчылыктуу багыттарынын бири  болуп эсептелет. Мамлекет башчысы  мамлекеттик органдардын жана саясый уюмдардын жетекчилерине карата койгон талаптарында таза шайлоолор гана өнүккөн, демократиялуу  Кыргызстанды куруунун негизи боло алаарын ар дайым баса белгилеп келген.

Алмазбек Атамбаевдин пикири боюнча: “2012-жылы жергиликтүү кеңештерге шайлоолор эркин жана атаандаштыкта өткөрүлдү, демократияны бекемдөөдөгү Кыргызстан элинин олуттуу кадамдарынын бири  болуп калды. Ошону менен бирге эле, айрым учурларда шайлоо алдындагы атаандашууда ыплас ыкмалар дагы деле пайдаланылып жаткандыгын көрсөттү.”

Жергиликтүү кеңештерге шайлоолор Кыргызстанда  демократиянын өнүгүшүнүн бир этабы болуп калды. Шайлоолорго  көптөгөн партиялардын, байкоочулардын  катышуусу  Кыргызстан коомчулугунун жогорку активдүүлүгүн  далилдеп турат.

Шайлоолордун жыйынтыгында өлкө боюнча бир нече саясый  партия алдыңкы катарга чыкты, мурдагы жылдарга окшоп, Кыргызстандын шайлоочуларынын тандоосуна карабастан, чиновниктер тарабынан алдын-ала аныкталып, жеңиш бир партияга  ыйгарылбады.

Бул шайлоолор идеалдуу болгон жок, бирок, демократияны өнүктүрүү ишинде алга карай шилтенген  ишенимдүү кадам болуп калгандыгында шек жок. Шайлоодо көп сандагы байкоочулардын жана катышуучулардын болушу  айрым  мыйзам бузууларды аныктоого  мүмкүнчүлүк берди. Ал мыйзам бузуулар Кыргызстандын укук коргоо органдары тарабынан  терең иликтенүүгө, шайлоо мыйзамдарын бузгандар  жоопкерчиликке тартылууга тийиш.

Өткөрүлгөн шайлооолорду эске алуу менен, парламентарийлер өкмөт жана жарандык коом менен бирдикте  шайлоо  мыйзамдарын  толуктап иштеп чыгып, шайлоонун жыйынтыктары эч кимде шек туудурбасы үчүн  бардык чараларды көрүүгө тийиш.

2012-жыл 30-ноябрь