Сайттан издөө
Сайттан издөө
Кыргыз Республикасынын Президенти

Президент Алмазбек Атамбаев Нарын облусундагы «Кажырты» магистралдык каналын ишке киргизүү аземине катышты

Бүгүн, 2013-жылдын 17-октябрында Кыргыз Республикасынын Президенти Алмазбек Атамбаев Нарын облусуна болгон иш сапарынын алкагында Нарын районундагы Эмгек-Талаа айыл өкмөтүндөгү «Кажырты» магистралдык каналын ишке киргизүү аземине катышты.

Өз сөзүндө Мамлекет башчысы “Кажырты” каналынын ачылышы райондун, ошондой эле облустун тургундары үчүн чоң майрам экенин белгиледи. “Канал Нарын районунун 4 айылын жана 3 миң гектардан ашуун жерди суу менен камсыз кылат. Суу менен бирге райондун талааларына жаңы дем кирип, жумушчу орундардын көбөйүшүнө, райондук жана облустук экономиканын илгерилешине өбөлгө түзөт”, - деди Алмазбек Атамбаев.

Маалымат үчүн: «Кажырты» магистралдык каналынын жалпы узундугу 18 километрди, сыйымдуулугу  4,0 м³/сек. түзөт. Курулуштун суммасы  85,9 млн. сомду түзүп, ал республикалык бюджеттен бөлүндү.

2013-жыл 17-октябрь