Кыргыз Республикасынын Президенти Алмазбек Атамбаевдин Чернобыль АЭСиндеги трагедиянын 30 жылдыгына байланыштуу кайрылуусу

Мамлекет башчысынын кайрылуусунун тексти:

“Урматтуу мекендештер!

Кымбаттуу Чернобыль АЭСиндеги авариянын кесепеттерин жоюунун катышуучулары!

Чернобыль АЭСиндеги трагедиялуу окуя болгон күндөн бери 30 жыл өттү. Бүгүн дүйнө жүзүндө ХХ кылымдагы эң чоң кыйроону, өмүрүн жана ден соолугун аябастан радияциялык кырсыкка каршы күрөшкөндөрдү эскеришүүдө. Эгерде алар өз өмүрлөрүн курмандыкка чалып, кызыл өрткө каршы турбаганда бул авариянын  кесепеттери алда канча кайгылуу болмок.

Авариянын кесепеттерин жоюуга 5 миң кыргызстандыктар катышкан. Азыр алардын бир жарым миңден бир аз ашыгыраагы эле калды. Тилекке каршы, көптөгөн “чернобылчылар” нурлануудан жана радиациянын өтө көп өлчөмүнөн улам каза болушту. Алардын элеси түбөлүккө сакталат! Чернобыль АЭСиндеги трагедия жана бул эр жүрөк адамдар жөнүндө эч качан унутпашыбыз керек.

Мамлекет  ай сайын “чернобылчылардын” пенсиясына акчалай кошумчаларды төлөйт, алардын пенсиялары да көтөрүлүп жатат.  Чернобыль АЭСиндеги трагедиянын 30 жылдыгына байланыштуу 46 миллион сомдон ашык жөлөкпул бөлүндү. Биз коркунучтуу авариянын кесепеттерин жоюп, бүтүндөй Жер шарын сактап калган адамдардын турмуш шартын жеңилдетүү үчүн мындан ары да бардык аракеттерди көрөбүз.

Урматтуу мекендештер!

Дүйнө жүзүндө бул сыяктуу кырсыктар болбосун. 1986-жылдын 26-апрелиндеги трагедия баарыбызды адамзат ишмердигинин кесепеттери тууралуу ойлондурат. Чернобыль АЭСиндеги трагедия чоң сабак болушу керек. Биз бул авариянын кесепеттерин жойгондорду унутпайлы. Мындай трагедия эми эч убакта кайталанбасын.

 

Кыргыз Республикасынын

Президенти                                                  А.Ш. Атамбаев”.

26-апрель 2016-жыл
Басып чыгаруу