Сайттан издөө
Сайттан издөө
Кыргыз Республикасынын Президенти

Президент Сооронбай Жээнбековдун Өзбекстанга жасаган расмий сапарынын алкагында биргелешкен документтерге кол коюу аземи өткөрүлдү

Кыргыз Республикасынын Президенти Сооронбай Жээнбековдун Өзбекстан Республикасына жасаган расмий сапарынын алкагында бүгүн, 13-декабрда, биргелешкен документтерге кол коюу аземи өткөрүлдү.

Президент Сооронбай Жээнбеков менен Президент Шавкат Мирзиёев Биргелешкен билдирүүгө кол коюшту.
Расмий сапардын жүрүшүндө төмөндөгү документтерге кол коюлду:

Кыргыз Республикасынын Өкмөтүнүн менен Өзбекстан Республикасынын Өкмөтүнүн ортосундагы 2018-2021-жылдары экономикалык, илимий-техникалык жана гуманитардык кызматташтык жөнүндө программа;

Кыргыз Республикасынын Өкмөтүнө караштуу Бажы кызматы менен Өзбекстан Республикасынын Бажы комитетинин ортосунда товарларды жана транспорт каражаттарын өткөрүүдө бажы операцияларын жүргүзүүнүн жеңилдетилген тартибин уюштуруу жөнүндө макулдашуу (“Жеңилдетилген бажы коридору”);

Кыргыз Республикасынын Улуттук илимдер академиясы менен Өзбекстан Республикасынын Илимдер академиясынын ортосундагы илимий-техникалык кызматташтык жөнүндө келишим;
Кыргыз Республикасынын Өзгөчө кырдаалдар министрлиги менен Өзбекстан Республикасынын Өзгөчө кырдаалдар министрлигинин ортосундагы өзгөчө кырдаалдардын алдын алуу жана жоюу жаатында кызматташтык боюнча 2018-жылга иш чаралардын планы;
Кыргызстан профсоюздар федерациясы менен Өзбекстан профсоюздар федерациясынын ортосунда кызматташуу жөнүндө макулдашуу;
Кыргыз Республикасынын Өкмөтүнө караштуу жаштар иштери, дене тарбиясы жана спорт мамлекеттик агенттиги менен Өзбекстан Республикасынын Жаштар союзунун Борбордук кеңешинин ортосунда өз ара түшүнүшүү жөнүндө меморандум.

2017-жыл 13-декабрь