Сайттан издөө
Сайттан издөө
Кыргыз Республикасынын Президенти

Президент Алмазбек Атамбаев Кыргыз Республикасынын Жогорку сотунун жаңыдан шайланган жетекчилигинин курамы менен жолугушту

Кыргыз Республикасынын Президенти Алмазбек Атамбаев  бүгүн, 5-октябрнда, Кыргыз Республикасынын Жогорку сотунун жаңыдан шайланган жетекчилигинин курамы  менен жолугушту.

Жолугушуунун жүрүшүндө Мамлекет башчысы Айнаш Токбаеваны Жогорку соттун Төрайымы кызматына, Качыке Эсенкановду Жогорку соттун Төрайымынын кылмыш иштер жана администрациялык укук бузуу иштер боюнча орун басары кызматына, Анархан Базаралиеваны Жогорку соттун Төрайымынын администрациялык жана экономикалык иштер боюнча орун басары кызматына, Феруза Жамашеваны Жогорку соттун Төрайымынын жарандык иштер боюнча орун басары кызматына шайланышы менен куттуктады.

Президент Алмазбек Атамбаев Жогорку соттун жаңы жетекчилигине  иштерине ийгилик каалап, Жогорку сот Кыргыз Республикасынын  Конституциясына ак дилден кызмат  кылып, өлкөнүн жарандарынын укуктары менен эркиндигин коргойт жана жактайт деген ишенимин билдирди.

Мамлекет башчысы Жогорку соттун алдында  сотторго карата жарандардын ишенимин жогорулатуу, коррупцияны жоюу жана сот корпусун тазалоо, сот реформасын жүргүзүү боюнча маанилүү милдеттер тургандыгын баса белгиледи.

2015-жыл 5-октябрь