Сайттан издөө
Сайттан издөө
Кыргыз Республикасынын Президенти

«Кыргыз Республикасынын прокуратурасы жөнүндө» жана «Аскер кызматчыларын пенсия менен камсыздоо жөнүндө» мыйзамдарга өзгөртүүлөр киргизилди

Кыргыз Республикасынын Президенти Алмазбек Атамбаев “Кыргыз Республикасынын айрым мыйзам актыларына («Кыргыз Республикасынын прокуратурасы жөнүндө» жана «Аскер кызматчыларын пенсия менен камсыздоо жөнүндө» Кыргыз Республикасынын мыйзамдарына)  өзгөртүүлөрдү киргизүү тууралу” Кыргыз Республикасынын Мыйзамына кол койду.

Мыйзам Кыргыз Республикасынын Жогорку Кеңеши тарабынан 2016-жылдын 4-февралында кабыл алынган.

Мыйзам башка тартип коргоо органдарынын жана аскер кызматынын кызматкерлерине берилген негиздемелер боюнча пенсияларды дайындоо жолу аркылуу прокуратура органдарынын пенсионерлеринин материалдык абалын жакшыртуу максатында кабыл алынды. Башкача айтканда, бул мыйзам «Аскер кызматчыларын пенсия менен камсыздоо жөнүндө» мыйзам тарабынан белгиленген шарттарга, ченемдерге жана тартипке ылайык, ошондой эле прокуратура органдарында жана мекемелеринде кызматтын токтотулушунун кошумча негизин киргизүү  жолу менен жүзөгө ашырылат.

Мыйзам 2016-жылдын 1-январынан тарта күчүнө кирет.

2016-жыл 10-март