Сайттан издөө
Сайттан издөө
Кыргыз Республикасынын Президенти

“Дене тарбия жана спорт жөнүндө” Мыйзамга өзгөртүүлөр киргизилди

Кыргыз Республикасынын Президенти Алмазбек Атамбаев “Дене тарбия жана спорт жөнүндө” Кыргыз Республикасынын Мыйзамына өзгөртүүлөр киргизүү тууралу” Кыргыз Республикасынын Мыйзамына кол койду.

Мыйзамды Кыргыз Республикасынын Жогорку Кеӊеши 2016-жылдын 17-мартында кабыл алган.

Мыйзам дене тарбия жана спорт чөйрөсүндө мыйзамдуулукту өркүндөтүп, “Дене тарбия жана спорт жөнүндө” Мыйзамдын жоболорун “Кыргыз Республикасынын Өкмөтү жөнүндө” конституциялык Мыйзамга шайкеш келтирүү максатында кабыл алынды.

Кабыл алынган Мыйзамдын негизги жоболору Өкмөттүн, дене тарбия жана спорт, билим берүү, саламаттык сактоо  чөйрөсүндө ыйгарым укуктуу мамлекеттик органдардын ыйгарым укуктарын аныктоого жана тактоого багытталган.

Мыйзам расмий жарыялангандан он күн өткөндөн кийин күчүнө кирет.

“Дене тарбия жана спорт жөнүндө” Кыргыз Республикасынын Мыйзамына өзгөртүүлөр киргизүү тууралу”  Кыргыз Республикасынын Мыйзамынын тексти менен ушул жерден таанышсаңыз болот >>>

2016-жыл 28-апрель