Сайттан издөө
Сайттан издөө
Кыргыз Республикасынын Президенти

Президент Алмазбек Атамбаев Өкмөттүн Ысык-Көл облусундагы ыйгарым укуктуу өкүлү Асхат Акибаевди кабыл алды

Кыргыз Республикасынын Президенти Алмазбек Атамбаев бүгүн, 16-майда, Өкмөттүн Ысык-Көл облусундагы ыйгарым укуктуу өкүлү Асхат Акибаевди кабыл алды.

Жолугушууда Мамлекет башчысы облустун социалдык-экономикалык өнүгүшү, туризим тармагына инвестицияларды тартуу боюнча аткарылып жаткан иштер жана инфраструктуралык долбоорлорду ишке ашыруунун жүрүшү тууралуу кеңири маалымат алды.

Асхат Акибаев ошондой эле быйыл сентябрда Ысык-Көл облусунда өтө турган II Дүйнөлүк көчмөндөр оюнуна даярдануу боюнча жүргүзүлүп жаткан иш-чаралардын комплекси жөнүндө айтып берди.

Президент Алмазбек Атамбаев туристтик сезонду тийешелүү деңгээлде өткөрүү жана жыл сайын саны өсүп бараткан туристтер үчүн, ошондой эле чоң масштабдагы спортттук иш-чарага келе турган коноктор жана катышуучулар үчүн зарыл шарттарды түзүү облустун жетекчилигинин милдети экендигин баса белгиледи.

Мамлекет башчысы жергиликтүү бийликтер мамлекеттик органдар менен бирге Ысык-Көл облусунун эл аралык басылмаларда ырастап жаткан туристтик мүмкүнчүлүктөрүн максималдуу жана натыйжалуу пайдалануу үчүн бардык аракеттерди көрүшү керек экендигин белгиледи.

2016-жыл 16-май